Arritxulo 2022

Aiako Harria parke naturalean kokatuta dagoen Arritxulo aterpetxeak ingurugiro berezia, ezberdina eta ezin hobea eskaintzen digu gure udalekuak egiteko. “N” Bitaminaz betetzen dira, naturaren Naz, naturak ematen dituen soinuez gozatuz, bizitza bezain naturala.

Txiribueltako begirale taldeak esperientzia handia dauka arlo honetan eta 2019. urtean 3.000 haur baino gehiagorekin lan egin dutela aipatu behar da.

Arritxulo aterpetxeko Webgunea

Gure udalekutako helburu nagusia haurrak esperientzia ahaztezin bat izatea da! Horretarako, dinamika eta joku ezberdinekin naturaz gozatzea da helburuetako bat.

Udaleku hauetan 300 plaza eskaintzen ditugu, hauek bost txanda ezberdinetan banatuak daudelarik.

Txanda bakoitzean gehienez 60 plaza daude eta hauek izen ematearen ordenaren arabera banatuko dira. Txanda bateko plazak amaitzerakoan, matrikula orriak ez du txanda horretan izena emateko aukera emango.

Ezagutu gaitzazue gehiago hemen

Nola apuntatu naiteke?

Behean aurkituko duzun formularioa bete behar duzu eta plaza baieztatuko dizugu email baten bidez.

Udalekuetako lehenengo eguna

Goizeko 10:00etan egon behar zarete Arritxulon. Iristean haurrak monitoreekin geldituko dira eta, bitartean, gurasoek koordinatzailearekin geratuko zarete.