Arritxuloren kokapen pribilegiatuak, Aiako Harria parke naturalaren bihotzean, natura gure jardueren ardatz izatea ahalbidetzen digu, non jokoa, sormena eta parte-hartzea ikaskuntzari batzen zaizkion.

---

Helburu orokorrak:

Naturarekin harreman iraunkorrean, espazio didaktikoa eta ondo pasatzeko egonaldi aktibo eta hezitzailea eskaintzea.   

Lankidetza, talde lana eta tolerantzia landu eta sustatzeko balioak izango dira, hezkuntza integrala bilatuz eta lehiakortasunetik eta indibidualismotik urrunduz.

Txiribueltako monitore taldearen kalitatean eta esperientzian oinarritzen gara jardueren egitarau zabala eskaini ahal izateko. Denbora gutxian, parte-hartzaileek lotura berezia eta estua lortzen dute monitore taldearekin, beraz, irakasleek esperientzia lasaia bizi dezakete, uneoro koordinazio taldearekin komunikazioa mantenduz.

Metodologia:

Txiribueltaren ustez, pedagogia alternatiboek balioetan oinarritutako hezkuntza ematen dute, haurrak jolasaren bidez gozatu eta ikas dezaten. Balioetan hezte hori errespetatuz, hobeto jabetuko dira haurrak Arritxulon dagoen ingurune pribilegiatuan.

Naturak aukera asko eskaintzen ditu, eta harekiko errespetua funtsezkoa da bere etorkizuna bermatzeko. Natur munduan esperientziak bizitzea da proposamen nagusietako bat. Ateratzea eta esploratzea prozesuaren parte da, munduan gertatzen ari dena ulertzeko, berotze globala zer den edo klima aldaketa zertan datzan ulertzeko.

“Planeta salbatu aurretik planeta maitatu behar da”

Heike Freirek, pedagogia berdearen bultzatzaileak, esandako esaldiak zehatz-mehatz islatzen du Txiribueltak bultzatu nahi duena.

Ekintzak: 

Ekintzak adin-talde bakoitzari zuzenduta daude. Garrantzitsua iruditzen zaigu ekintzen plangintza urteko garaira, eguraldiaren baldintzetara eta egonaldiaren egunetara egokitzea. Adin tarte bakoitzerako plangintza ikusi dezakezue:

---

---

---